BRAS 2020

BRAS - Menningarhátíð barna og ungmenna á Austurlandi verður haldin í þriðja sinn í september 2020 um allt Austurland.

Menningarmiðstöð Fljótsdalshéraðs mun taka þátt í hátíðinni með fjölbreyttum verkefnum.

Derringur 

21-25 september, Fjölnotahúsið í Fellabæ kl. 16-18

Verkefnið Derringur er nýtt íslenskt sviðslistaverk eftir danslistakonurnar, Snædísi Lilju Ingadóttur og Valgerði Rúnarsdóttur. Verkefnið er unnið í náinni samvinnu við grunnskólabörn víða um land og sækir innblástur sinn í árstíðirnar fjórar og íslenskt veðurfar. Dansverkið er unnið með grunnskólabörn á miðstigi um allt land en börnin semja verkið með danshöfundum. Lokaafurðin verður sýnd á BRAS.

Árnastofnun skýtur upp kollinum

3. október, Sláturhúsinu / mmf kl. 11-14

Laugardaginn 3.október kl 11:00- 14:00 skýtur Árnastofnun upp kollinum í Sláturhúsinu með myndbandsinnsetninguna Óravíddir orðaforðans, orðaforðatölvuleik og Miðaldaskrifarastofu.

Dagskráin er hluti af miðlunarverkefninu Handritin til barnanna, miðlunarverkefni sem þróað hefur verið á Stofnun Árna Magnússonar í íslenskum fræðum. Tilefnið er að 21. apríl 2021 verður liðin hálf öld frá því að fyrstu handritin komu heim frá Danmörku eftir áratugalangar samningaviðræður þjóðanna.

Sunnefa, sönn saga? 

Leikritið Sunnefa, sem sett var upp í Frystiklefanum, verður í boði fyrir elstu bekki grunnskólanna og framhaldsskólana.

Kvikmyndalæsi

Kvikmyndalæsi, námskeið í heimildagerð fyrir 8-9 bekk grunnskóla. Kennd verður uppbygging sögu og frásagnartækni heimildamynda. Nemendur munu vinna að sinni eigin persónulegu heimildamynd undir leiðsögn kvikmyndagerðarfólks.Í heimildamyndarverkefninu munu nemendur vinna út frá hugmyndinni „jöfn en ekki eins“ og velta fyrir sér sínu eigin lífi, aðstæðum og sýn á lífið; hvers vegna við skilgreinum okkur á mismundandi hátt; hún, hann, hán eða út frá menningarlegum bakgrunni og hvaða afleiðingar það hefur fyrir okkur samfélagslega. Námskeiðinu lýkur með hátíð í Sláturhúsinu þar sem að myndir nemenda verðar sýndar

Sláturhúsið // Menningarmiðstöð Fljótsdalshéraðs

Kaupvangi 9, 700 Egilsstaðir // This email address is being protected from spambots. You need JavaScript enabled to view it. // s: 897 9479